La mira prumèra de Tiss’liens 64 qu’ei d’amassar lo monde, de crear ligams enter eths. L’idea qu’ei que s’encontren, que’s conegan, que hàcian causas amassa.

Que i a uei ua solitud grana en çò de totas las generacions e dens totas las classas de la societat. Que calèva trobar un mejan de tornar nodar lo ligam enter lo monde, d’incità’us a hicà’s a l’escota los uns deus autes. E d’ajudà’us atau a avisà’s que ne son pas sols d’estar solet.

A la creacion de l’associacion, Tiss’liens 64 que volèva respóner au besonh de daubuas personas de practicar activitats shens estar forçadament inscrivudas dens un club, o shens estar ligadas a la constrenta d’un rendètz-vos setmanèr. L’idèa qu’èra de perméter au monde de crear quauquarren qui n’existiva pas – o qui ne podèvan pas har – dens ua auta associacion.

Uei Tiss’liens 64 que prepausa rendètz-vos regulars, autes qui ac son mensh, talhèrs variats, activitats divèrsas, tostemps dab la mira d’ensenhar au monde a coneishe’s, a non pas embarrà’s sus eths medishs e a s’apercéber que i a autorn d’eths un hèish de personas interessentas a encontrar.